Музейна-педагагічны праект для дзяцей дашкольнага
і малодшага школьнага ўзросту
“Крочым у школу разам з Коласам”
Практычна кожнаму сучаснаму дзіцяці неабходна эмацыйная і псіхалагічная падрыхтоўка да школы. Гатоўнасць да навучання ў школе гэта не толькі неабходны ўзровень развіцця пазнавальных працэсаў: увагі, памяці, мыслення, але і здольнасць наладжваць зносіны з іншымі дзецьмі і дарослымі, уменне кіраваць сваімі паводзінамі ў адпаведнасці з патрабаваннямі педагогаў, адчуваць упэўненасць у сабе і ў сваіх сілах, набыць здольнасць адэкватна выказваць свае эмоцыі.
Музей Якуба Коласа прапануе спецыяльны праект, які дапаможа Вашаму дзіцяці не толькі псіхалагічна падрыхтавацца да школы, але і цікава і пазнавальна правесці час.
ПРАГРАМА ЗАНЯТКАЎ:
Занятак 1. “Добры дзень, музей!”
Знаёмства з музеем Якуба Коласа, творамі пісьменніка для дзяцей. Інтэрактыўная КВЭСТ-гульня “Таямніцы дома Песняра”
Лялечны спектакль “Савось-распуснік”
Занятак 2. “Творчая майстэрня”
Лялечны спектакль па матывах беларускай народнай казкі ў апрацоўцы Якуба Коласа “Як кот звяроў напалохаў”.
Майстар-клас па вырабе свісцёлак з салёнага цеста
Занятак 3. “Ты ўмееш маляваць?!” па тэхналогіі французскай майстэрні
Стварэнне асацыятыўных малюнкаў паводле вершаў Якуба Коласа.
Аўтарскае выкананне верша паэта з запісам на дыск з дапамогай мультымедыйнага комплексу.
Занятак 4. “Дарагі мой каляндар, няхай наступны будзе ў дар!”
З гісторыі з’яўлення календара. Хобі Якуба Коласа – калекцыяніраванне настольных календароў. Майстар-клас па стварэнні вечнага календара.
Занятак 5. “Сем Я”
Роля сям’і ў жыцці кожнага чалавека.
Сям’я Якуба Коласа.
Майстар-клас па сілуэтным выразанні.
Занятак 6. “Тэатр бывае розным”
Знаёмства з гістрыяй лялечных тэатраў.
Занятак па сцэнічнаму майстэрству
Майстар-клас па вырабе папяровай лялькі.
Лялечнае прадстаўленне “Рэпка” у выканнані выхаванцаў праекта.
Занятак 7. “Паэтычная майстэрня”
Сустрэча з беларускім дзіцячым пісьменнікам.
Гульня “Мы гуляем – рыфмы падбіраем”
Занятак 8. “Творчая майстэрня”
З гісторыі паштовак. Паштоўкі пачатку XX стагоддзя з фондаў музея Якуба Коласа. Майстар-клас па вырабе паштовак
Удзел у стварэнні сувенірнай музейнай паштоўкі з уласным фотаздымкам.
Занятак 9. “Школа этыкета”
Як паводзіць сябе ў музеі.
Гульня-падарожжа “Этыкет-шоў”
Занятак 10. Заключны занятак.
Падвядзенне вынікаў. Напісанне пажаданняў пяром Коласа.
Заяўкі на ўдзел у праекце па тэл. 284-17-02
Адрас музея: 220012, г. Мінск, вул. Акадэмічная, 5;
E—mail:
Будзем рады бачыць вас у гасцінным Доме Якуба Коласа!