Каласавіны-2016

3 лістапада 2016 года

запрашаем Вас прыняць удзел у XXX навуковай канферэнцыі «Каласавіны»,

прысвечанай 110-годдзю творчай дзейнасці Якуба Коласа

 

Да ўдзелу запрашаюцца спецыялісты ў галіне навуковага коласазнаўства, гісторыі беларускай літаратуры ХІХ–ХХ стст., гісторыкі, архівісты, журналісты, культуролагі, спецыялісты музейнай справы.

 

Асноўнымі мэтамі канферэнцыі з"яўляюцца:

 - літаратуразнаўчы і культуралагічны аналіз творчасці народнага паэта Беларусі Якуба Коласа;

- разгляд фундаментальных праблем коласазнаўства пачатку ХХІ стагоддзя;             

- кансалідацыя творчых і навуковых сіл вядучых навучальных устаноў Рэспублікі Беларусь і краін замежжа па ўсебаковым вывучэнні і шматаспектнай папулярызацыі творчай спадчыны народнага паэта Беларусі Якуба Коласа ў шырокім грамадскім асяроддзі.

 

 

Праблематыка канферэнцыі:

1.     Творы Якуба Коласа ў беларускім друку пачатку ХХ стагоддзя;

2.     Праблемы перакладу твораў Якуба Коласа на мовы свету;

3.     Філасофія жыцця ў алегарычных апавяданнях Якуба Коласа «Казкі жыцця» (да 95-годдзя з часу першага выдання);

4.     Праблемы мовы і культуры ў творчасці песняра (да 60-годдзя «Ліста ў Бюро ЦК КП Беларусі аб стане беларускай мовы і далейшым развіцці культуры ў рэспубліцы» ад 25.05.1956);

5.     Якуб Колас – дзецям ( да 90-годдзя верша «Савось-распуснік»);

6.     Творчыя і дзелавыя кантакты паэта перыяду 1920-х–1940-х гг.;

7.     Экранізацыя і сцэнізацыя літаратурных твораў Якуба Коласа як адна з надзённых задач сучаснага коласазнаўства;

8.     Варыянты  і розначытанні мастацкіх твораў Якуба Коласа як адзін з аб"ектаў даследвання літаратурнай спадчыны народнага песняра;

9.      Новыя матэрыялы ў зборы твораў Якуба Коласа ў 20 тамах (публіцыстыка, літаратурная крытыка, эпісталярый, дарчыя надпісы і інш.): водгукі аб выданні, запатрабаваннасць даследчыкамі і шырокім колам чытача;

10.   Малавядомыя старонкі жыцця і творчасці Якуба Коласа;

11.   Творчая спадчына Якуба Коласа ва ўспрыманні сучаснага пакалення чытачоў;

12.   Творчасць Якуба Коласа ў кантэксце беларускай і сусветнай літаратур.

 

Да абмеркавання можа быць прынята іншая тэма, сугучная згаданым.

 

Узнятыя праблемы будуць разгледжаны ў фармаце пленарнага і секцыйных пасяджэнняў.

 

Аргкамітэт пакідае за сабой права адбору выступленняў і матэрыялаў для публікацыі, а таксама іх рэдагавання.

 

Рабочыя мовы канферэнцыі – беларуская, руская, іншыя славянскія.

Па выніках працы канферэнцыі будзе выдадзены зборнік матэрыялаў «Каласавіны».

Заяўкі на ўдзел у канферэнцыі просім дасылаць у Дзяржаўны літаратурна-мемарыяльны музей Якуба Коласа да 20 кастрычніка 2016 года.

 

Праезд і пражыванне за кошт удзельнікаў канферэнцыі.

Арганізацыйны ўнёсак – 150 000 беларускіх рублёў.

 

Месца правядзення: Дзяржаўны літаратурна-мемарыяльны музей Якуба

 Коласа

Адрас музея: 220072, г. Мінск, вул. Акадэмічная, 5

Дырэктар Зінаіда Мікалаеўна Камароўская - 284 15 84

Каардынатар канферэнцыі - вучоны сакратар Яўгенія Мікалаеўна Мятлушка

284 05 55, +375 29 735 51 37

 fax: 284 19 40, 

 e-mail:

 

www.yakubkolas.by

                                                                                                                                             Аргкамітэт