Святочнае ўручэнне білетаў СПБ у Доме песняра

 

9 красавіка 2013 года Дзяржаўны літаратурна-мемарыяльны музей Якуба Коласа запрасіў ўсіх жадаючых на чарговае сумеснае мерапрыемства з Саюзам пісьменнікаў Беларусі. Добрай традыцыяй стала правядзенне святочнага ўручэння білетаў СПБ у Доме песняра. Так, ва ўтульнай гасцёўні музея былі прыняты ў згаданую арганізацыю такія маладыя паэты і пісьменнікі, як Уладзімір Лазар, Уладзімір Кісялёў, Надзея Ніжнева-Ксенафонтава, Віктар Рашкевіч.

 У гэтыя цудоўныя вясновыя дні кола сяброў Саюза пісьменнікаў Беларусі папоўнілася дзвюма новымі ўдзельніцамі – пасведчанні атрымалі маладая паэтэса Маргарыта Латышкевіч і літаратуразнаўца, даследчыца беларускага слоўнага майстэрства Марыя Іванаўна Верціхоўская. Уручаў пасведчанне член Мінскага гарадскога аддзялення ГА “Саюз пісьменнікаў Беларусі” Міхась Паўлавіч Пазнякоў. Завіталі і ганаровыя госці – вядомыя беларускія літаратары, члены СПБ.

Перад гасцямі з прывітальным словам выступіла дырэктар музея Зінаіда Мікалаеўна Камароўская.

 

 

ўсе навiны