Конкурс фотаздымкаў да Дня ўсіх закаханых

 

"...Я ў свеце не бачыў кахання шырэй!" Якуб Колас

Дзяржаўны літаратурна-мемарыяльны музей Якуба Коласа абвяшчае конкурс фотаздымкаў на тэму любові і кахання, прымеркаваны да Дня святога Валянціна. Высокае пачуццё кахання – гэта таямніца, якая для кожнага чалавека раскрываецца па-рознаму. Музей Якуба Коласа напярэдадні самага рамантычнага свята – Дня святога Валянціна – прапануе вам пры дапамозе мастацкіх фотаработ расказаць, чым для вас асабіста каштоўныя каханне і любоў, якія эмоцыі яны выклікаюць і якія вобразы ствараюць.

Для ўдзелу ў конкурсе неабходна да 5 лютага 2012 г. даслаць свае прафесійныя альбо аматарскія фотаздымкі (не больш за 5) з пазначэннем назваў работ, а таксама імя і кантактных дадзеных аўтара на адрас [email protected] альбо дадаць работы ў альбом “Конкурс фотаздымкаў” суполкі музея ў сацыяльнай сетцы «Вконтакте». Падвядзенне вынікаў конкурсу і ўзнагароджанне пераможцаў адбудзецца ў Доме Коласа 10 лютага 2012 г. на вечарыне, прысвечанай Святу ўсіх закаханых.

 

Спяшайцеся прыняць удзел! 

Тэлефон для даведак: (017) 284 17 02

 Адрас музея: г. Мінск, вул. Акадэмічная, 5

Суполка музея ў сацыяльнай сетцы «Вконтакте»: Дзяржаўны літаратурна-мемарыяльны музей Якуба Коласа

ўсе навiны